■網民追問工黨張超雄如何處理受害南亞裔女童事件，但不獲任何回應。 fb截圖反對派爭取人權、維護市民權益？邊個誤導你㗎？反對派地區幹將、備受「港獨」分子支持嘅龍緯汶被爆出涉嫌非禮同製作兒童色情物品，唔少人睇完佢同啲南亞女童嘅「親密相」都非常不安，齊齊憤怒譴責咁樣嘅獸行，偏偏反對派就靜到好似冇事發生過咁。多個網上KOL近日都一再追問班「飯民」點解唔出聲，其中被揶揄為「假難民之父」嘅工黨張超雄仲被點名𠻹，不過唔知係咪因為受害嘅南亞裔女童唔係「假難民」，所以就唔係佢服務對象啦，佢真係一句聲都冇出過㗎。
《輔仁媒體》總編容樂其連日就追問班「飯民」去咗邊，包括喺facebook出post鼓勵網民報料︰「如果你見到反對派任何一個議員、助理、學者有鬧佢，你cap（截圖）俾（畀）我，我記住佢。」仲點名張超雄話︰「張超雄，被人搞嗰個南亞小妹妹，都算你啲client（服務對象）掛（啩）？你真係唔出聲架（㗎）可以？」
唔少網民都睇透「飯民」嘴臉。「Kevin Cheng」戲謔咁回容樂其︰「真好，咁你可以記少好多野（嘢）。」「Rocky Yung」憤怒地話︰「而（𠵱）家一個都唔洗（使）記，我只要記住，每次香港有弱勢被人搞，需要呢啲大人幫，佢地（哋）係會幫住啲『同路人』，唔出聲，全部偽君子，垃圾！」
不過，話「飯民」完全冇出過聲係唔公道嘅，因為社民連行委會成員杜振豪咪寫過文、用震驚全港市民嘅「兒童性自主」嚟幫龍緯汶開脫囉，唔少網民呢兩日都追殺社民連，要佢哋交待係咪支持孌童。
「無敵神駒」仇思達亦出post話︰「『泛民』無一個網台敢提龍緯汶事件，只有社民連常委杜振豪大言不慚，說『社會需要更多孌童聲音』。『梁國賤雄』必須表態，到底牠是否認同這種說法！」咁當然，梁國雄冇覆佢啦。
「YK Chun」就話︰「如果呢條戀（孌）童畜係建制派，我諗反對派會即刻開記招再攪（搞）個聲討大遊行再加衝擊議員辦公室。」「Jimmy Lam」亦話︰「話你知，隻狗俾人性侵就真係多人衝出黎（嚟）鬧。」
「Jason Wong」以更現實嘅角度話︰「幫完學生，學生會投票比（畀）佢地（哋）嗎？」
電台節目主持健吾亦出post鬧呢班人「失去理智」，「覺得支持孌童者爭取『民主公義』，那些『民主公義』對我有利，我都要支持。……我都真的不能跟這種人為伍。」■香港文匯報記者 甘瑜