■馮允謙希望明年去不丹旅行。香港文匯報訊 唱作人馮允謙（Jay）出爐新歌《山旮旯》，承接上一首作品《聲音導航》以旅遊比喻人生，MV導演亦「連戲」繼續由Rubber Band的6號執筒。在上次的MV裡飾演旅行社老闆的Jay，遇到一對窮遊小情侶，比喻初投入社會的年輕人迷失和惆悵。而今次新歌《山旯旮》MV，有一位伯伯找上門，他為履行與已離去伴侶的承諾，決定一人遊不丹，比喻愛要及時。
談到最初聽到歌名《山旮旯》時，Jay笑說：「太繞口啦，我讀咗好多次先至啱，不過當我明白呢個歌名係比喻一個遙遠的理想，甚至未必得到其他人認同嘅夢想，唔可以因為困難就諸多藉口去放棄。」就好似「山旮旯」一樣好刁鑽，不過夢想成真的時候的確令人震奮。原來Jay最初接到新歌時很開心和興奮，因為這是他的夢想班底，他說：「好開心新歌班底陣容強勁，有監製和有份編曲嘅Randy（周錫漢），作曲王菀之（Ivana），黃偉文（Wyman）填詞。Randy亦都係上次《聲音導航》監製之一，Ivana 係我好喜愛嘅唱作人，佢所有作品我都有好好欣賞，好鍾意佢嘅歌。而Wyman 大師級嘅歌詞，我一直都希望唱到佢寫嘅詞。今次呢個班底好正，係我嘅夢想。」
新歌MV裡，Jay繼續飾演旅行社老闆，幫助伯伯履行亡妻的旅行夢，他說： 「有時候夢想就好似想去一個地方就即刻行動，唔好等機會錯過，甚至乎嗰個地方唔再存在嘅時候嚟後悔。」原來不丹就是Jay 心目中的山旮旯旅行計劃目的地，他說：「我希望完成今年出唱片嘅project之後，明年可以去不丹旅行，帶埋《山旮旯》去歌詞提到嘅不丹，一個曾經被譽為全世界最快樂嘅國家，我想去感受一下，仲希望喺當地創作新歌！」