曾樂彤香港文匯報訊 出道一年、去年頒獎禮上橫掃新人獎的曾樂彤昨日推出新歌《存在》。在樂壇經歷一年時間學習的曾樂彤，這次不再以以往輕快甜美的聲音演繹，而是唱出了面對成長的蛻變。除了唱法轉變，《存在》找來余曦陶作曲、吳奇琦填詞，亦是新嘗試，曾樂彤說：「由於大家之前未合作過，所以都很期待。一收到Demo嘅時候，自己好鍾意呢個題材，一聽便愛上。每個人喺唔同狀態下會對呢首歌有唔同睇法。每一句歌詞都好有意思，相信會講中很多年輕人嘅心聲。」
MV拍攝風格與出道以來的都大有不同，之前的歌曲不論是輕快還是傷感，MV都會拍得較生活化。《存在》MV拍攝選址海水化淡廠，四周荒蕪空曠，拍攝現場的佈置亦較為抽象，類似監獄的場景、樹枝道具等，曾樂彤說抽象的拍攝不難適應，最不習慣是要「rap」，「因為拍出來嘅成品是慢鏡咁唱，所以拍攝時，我諗導演係用快咗五至十倍嘅速度去播首歌，而我要用比rap更快咁唱出嚟，所以其實最後我都唔係好清楚究竟唱得啱唔啱個節奏，哈哈，呢樣嘢係比較新鮮。」