■千嬅讚城城細女好得意。香港文匯報訊（記者 梁靜儀）郭富城、楊千嬅、汪明荃、葉德嫻、汪詩詩、丁子高及林盛斌（Bob）等，昨日到銅鑼灣出席香港「無膠日」成立日暨夏永康與60位香港藝人之「不要膠下去」 攝影展覽，台上眾人又分享環保心得。
城城太太方媛四月為他誕下二女「二寶」，再為人父的城城昨日風騷現身活動，台上他表示很開心出席活動，同時提醒他這個新手爸爸，應教育下一代環保。
活動後城城接受訪問，他更主動分享再為人父的喜悅：「細女出世之後未見過大家，二寶喺四月出世，中文名仲研究緊，英文名叫Charlotte，因為大女Chantelle都係用Ch行頭。」問到大女Chantelle是否有呷醋？城城笑說：「少少啦，始終仲細，有時抱二寶佢就呷醋，自己都係新手，慢慢學習。」城城透露細女剛滿月，還未可以出街，待她再大一點才一家人去公園玩。城城透露太太今胎順產，生兩胎他都有陪入產房及剪臍帶，感覺好開心及幸福：「睇住BB出世好感動，唔能夠用言語表達，心裡面好唔一樣，係好幸福嘅感覺。」說到方媛產後迅速修身？城城指太太生產都好辛苦，更加感受到母愛的偉大，他要好好愛錫太太作獎勵。問到會否繼續追多個仔？城城稱暫時不追仔住：「現在世代思想，仔女都冇所謂，最重要健康，我唔知有仔嘅感受，現在有女都好滿足，暫時唔會（追），睇過太太分娩過程好辛苦，等佢休息吓先。」
城城教女兒環保意識
談到環保，城城表示自己除了要身體力行外，在家中也會教導女兒用環保餐具，從小向她灌輸保護地球的重要與責任，他說：「我每日都會食菠蘿包做早餐，工人姐姐每日都會去買，每次都用膠袋裝，食完就會掉，我覺得好浪費，係咪可以攞循環再用嘅飯盒去買？我會即刻開始實行。」
千嬅透露城城剛才跟她分享女兒的相片，她大讚兩個都眼大大，好靚、好得意，問到似爸爸還是似媽媽？她說：「兩個都似，（有冇流晒口水？）冇，呢啲係緣分，早知當年快啲追多個，唔好隔咁耐，現在隔太耐個仔都7歲，心態唔同咗，係另一種教法。」說到她可跟城城對親家？千嬅說：「現在管唔到小朋友，教佢哋自己選擇，冇得管，有時去Play Day都會撞到GiGi（梁詠琪）個女同蘇永康個仔，等佢哋自己學擴闊社交。」