■林肇彥播謠被踢爆，上圖為中年婦以手拍打盾牌，左圖為太古 廣場當作教堂。 fb截圖反對派組織近日在眾多網絡發放一段短片，聲稱有人被警員用槍射向頭部。片中所見，一名中年婦人試圖以手拍打警察嘅盾牌。警察當下舉起警棍警告，剛巧旁邊的警員向遠方擲出煙霧彈，發出「嘭」的一聲巨響，該「勇武師奶」即刻嚇到向後退。「青症（青年新政）」Cheap禎（游蕙禎）個「獨派」男友林肇彥就話：「香港警察懷疑近距（離）射擊示威者的面部。」名為「香港地」嘅facebook主頁亦貼出中英文字幕的短片，暗示「媽媽要喚醒警察良知，卻被『爆頭』」。有不少人誤信謠言。
在這段廣為流傳的短片中，一名中年婦人係咁叫警察「收隊」、「放過細路」，然後自己一面喊，一面走向警察防線，稱自己冇武器、冇攻擊意圖，但就不停越行越前，明顯已經情緒失控。雖有人喺囧重慁e扶，但佢仍然飛身上前，試圖以手拍打警察嘅盾牌。
警員當下只是舉起警棍警告，但他旁邊另一名警員向遠方擲出煙霧彈，發出「嘭」的一聲，該中年婦人就即刻向後退。不過，多個反對派fb專頁，就聲稱該名婦人「頭部中槍」，更分享到各地區群組。「港獨」分子林肇彥等更搵人用英語及日語放在YouTube頻道。「議會陣線」立法會議員毛孟靜協助散播謠言，要警務處處長盧偉聰「解釋」。
唔少網民就腦都唔用就辱罵警員。網民「Momo Avis」就在fb專頁「香港突發事故報料區」發佈其他角度拍攝嘅影片，證明警員在該中年婦人「進攻」時就已舉起黑旗、發出催淚彈警告，並試圖斯文地伸手勸退師奶，誰知「嘭」的一聲後，該師奶「扮暈」，其後亦自行安全離開。
都有唔少視力正常嘅網民睇到到底發生咩事。「Jason Leung」就話：「見到最尾指住個女人嗰支係警棍唔係槍，有條繩，同時後面有槍聲響起，睇咗嘅人就誤以為攞支槍對住佢，射佢眼，加上個女人聽到槍聲嚇倒......應該就係咁樣誤會咗。」
太古廣場當教堂
除了這段所謂「爆頭」的影片後，林肇彥和「港獨」區議員陳國強的助理邱文勁，就聲稱警方前晚包圍「收容傷者」嘅「教堂」，但連「看圖作文」都唔合格，有網民即刻話係太古廣場，「Leck Ho」怒斥：「教會？唔通旁邊性感女郎肖像係聖母？最憎不實報道！」 ■香港文匯報記者 杜思文