第六場、第三班、一六五○米。「勤德兼備」六歲馬歷來在沙田上陣只獲得一席季軍，但在谷草曾經贏過三個不同的路程，分別為千二、一哩及千八米，充分反映出本身擅跑窄場的特性，最近六場雖然不入三甲，但上場同程後追跑第四名，顯見狀態復甦，而且翻查目前評六十二分比季初十一月贏馬時只多一分，今次有大樹遮蔭下必有好賠率分頭，絕對有本錢出冷。
第七場、第二班、一○○○米。「鑽得勁」周歲時由廄主姚本輝親自買入，來港兩個馬季已獲得六冠兩亞四季成績，陣上演出十分準繩甚少大敗，而且泥地、田草及谷草都有進帳，性能十分廣泛；上場出戰直路賽在蔡明紹胯下力拒「新強勇駿」來犯，影相險勝爆出十六倍冷門，盡顯馬匹內在鬥心甚強；復課有個半月時間回氣而且操練課期充足，狀態未有走樣，今次渡江上陣亦合腳法，實而不華馬隨時再有驚喜。
第八場、第三班、一六五○米。「湛江最醒」與「龍船」同父，兩歲時在英國服役六戰全跑入前五名，而兩勝路程為千四至千六米，兼且當時曾負一三二磅重磅下建功，質素有番咁上下；在港九戰雖然未贏馬，但當中三戰谷草同程獲一季一殿一第五，而且三次都係排大外檔起步，能夠克服劣勢跑近證明路程實力；上場轉去田草落第只屬過渡性質，洗底後今次重返谷草上陣有力變身。