第六場、第三班、一六五○米。馬主鄭應炎與容天鵬相識多年，當年鄭生首匹個人名下「金鹿」就係由容天鵬為他揀回來，當時容天鵬還未升正，不過當自立門戶開倉，鄭生亦第一時間將「金鹿」轉投容廄以作支持，「金鹿」退役前四捷，之後「觀自在」和「長長友」共贏五W，難怪鄭生完全信任容天鵬，而且前者剛中新季PPG籤，人逢喜事精神爽，「長長友」今次出戰三班谷草一哩勝途，沿用潘頓有力再建功。「長長友」今季來港八戰獲兩冠三亞，大前仗配潘頓在四班田草千四開齋，再出換貝力斯發揮一般；上場潘頓回策初次渡江即再贏，人馬合作兩戰全勝，今次可爭三捷。
第八場、第三班、一六五○米。「協勝神駒」來港前在澳洲兩戰均輕勝而回，在港第二戰亦已迅速贏馬，不過其後一再近而未勝，似乎進度上有點阻滯。今季中此駒向谷草中距離進軍，兩度入位後，第三次渡江跑第七輸個半馬位，主要是馬匹負重兼排十二檔，早段要留後切入之故；前仗轉爭田草千四，直路鬥衝得第五輸一馬位，主要受重磅影響；上場重返谷草立即又上名；質新季內未交代之輩，既然回勇連番見近，相信必思進取。