今晚谷草安排九場煞科賽，以全闊A跑道作賽，頭場提前至下午六時四十五分開跑，全晚並無設立盃賽。練馬師方面，大摩最近搏馬得心應手，其參戰馬可優先留意。騎師方面，潘頓剛次賽事六W氣勢如虹，必要吼實，另外何澤堯及梁家俊之坐騎也要留意。
第一場、第四班、一○○○米。「阿凡達」翻看三月中出爭四班同程，雖然賽事中賺盡偏慢步速下入Q，但是該場的頭四名馬匹中，「衝亞」、「旅遊拿督」及「上浦猛將」在總場次五三三再碰頭，結果包辦三重彩。事實上在該役跑第五的「明駿之星」，打後亦取得兩W。「阿凡達」近兩仗爭三班遇強下仍跑第四；今次回師四班爭一千，可望勝回一仗。
第二場、第五班、一六五○米。「駿驫」前仗爭谷草一哩，隔夜賠率已低過十倍，開閘前更跌至七十四蚊，重票之下一放到底打開勝門，證明有人事前計算精確；上仗再戰放到臨門一步被擒未竟全功；今賽唞足月餘瞄準此程攻堅，只要交出一貫水準，可坐位望贏。
第三場、第四班、一二○○米。「新威龍」前仗於此程取得收成，該役跟得急頭兩段比早一場之三班賽還要快，最終仍能氣走同樣於有利路段衝刺之「非凡品味」並彈離「牛精大哥」，屬強組頭馬。「新威龍」前季尾話晒能在三班擊敗其後勝出二班賽之「駿明珍寶」，如今仍在四班打滾，有力反彈。
第四場、第四班、一六五○米。「好運」前仗跑泥地一哩，可惜起步慢閘，陣中其半掩防沙眼罩亦甩掉影響發揮，最終只以馬頸位飲恨得亞軍；翌仗再戰同一途程，跟入直路欠加速力只跑第三；今次渡江爭一哩，如交出水準，應有機會補中。
第五場、第四班、一六五○米。「火百合」跑法流於均速，五月中首次移師谷草跑一哩，排在最外檔，都只是不敵「好利運來」及「陽明高高」而已；前仗排在十檔起步，早段耗力甚多切入搶先，中段又被對手緊咬不放，結果僅不敵得快步速之助嘅後上馬「錶之皇者」；上仗放得出又係跑第二未能一逞；今次捲土重來勢必全力爭取勝利。
第六場、第三班、一○○○米。「天祿」東廄C布早熟分子，來港後五戰，初出田草千二成績欠奉，翌仗轉戰谷草一千最短途，末段卻交出不俗追勢；第三場更順利取得處子勝利，贏馬過程游刃有餘；前仗角逐三班勝途，田泰安也發揮水準後上入Q；上仗轉攻田草一千，冷門冇飛即冇走勢；今次報回首本戲，隨時可打翻身仗。
第七場、第三班、一二○○米。「開心有你」前仗谷草C欄同程，因檔劣關係，起步未幾即被逼在外疊，之後一直走蝕腳程，結果仍能保住獎金名次；上仗出戰四班谷草千二，在小潘胯下末段殺上取得頭馬；今次升回三班，可望憑磅輕馬弗再締佳績。
第八場、第三班、一八○○米。「好利運來」（圖前駒）季內由出道第二仗開始練者已專攻谷草同程，連續跑了七場，交出四贏兩位，成績有目共睹，看此駒確有越贏越容易之感；今場仍在三班角逐，並嘗試轉戰千八，此刻這匹四歲仔戰鬥力正在勇境，加上馬房要力拒摩廄馬來犯，機會仍可看俏。
第九場、第二班、一二○○米。「新力寶」初出田草直路賽，面對星球馬「遨遊戰士」當然毫無招架能力，但全程走在跑道中央較不利場地，臨近終點卻交出強勁追勢；熱身後，翌仗轉戰千二換上潘頓飛到馬到，負重磅仍一放到底；上仗換俊仔搶放幾乎放到獲亞；今次升班轉戰窄場千二，負磅如釋重負可繼續捧場。