■Aka自小學跳芭蕾舞。香港文匯報訊 女子組合Super Girls隊長趙慧珊（Aka）最近推出第二首「單飛」歌曲《生來起舞》，歌曲故事取材自Aka的親身經歷，講述自小學跳芭蕾舞的她，過程中遇上無數的挫折、失落、調整、失敗等，她表示︰「我想用跳舞去比喻人生，初頭跌跌碰碰時，能慢慢搵到自己的路，就算當中係跌倒過，或者失敗幾多次都好，其實人生最成功係遇到失敗後仍相信自己係可以，這才是最成功的地方。」
Aka日前為新歌拍攝MV，走訪多個地方拍攝，其中她更換上芭蕾舞衫上陣，與好友一起晒八級舞藝，她表示︰「導演話好想睇到我跳芭蕾舞，讚我跳得好靚。好開心請到我一位好朋友一齊跳，兒時一齊跳芭蕾舞一齊長大的。」
不過Aka直言入行後已甚少跳芭蕾舞︰「今次跳芭蕾舞，事前都要花時間pick up返，對於我來說有少少吃力，畢竟現在冇十幾歲時筋骨咁軟同肌肉郁得咁靈活。」結果練習時已整親腳，她表示︰「練習時隻腳擦損流血，冇咗皮得肉，染到隻鞋都紅色，自己都覺得有啲核突，拍攝時都係頂硬上，貼了好多塊膠布，好在跳緊時專注着，都唔係覺得好痛。」
勉勵大家遇失敗別放棄
提到今次的歌曲是她的經歷，希望大家遇到失敗不要放棄，她坦言剛入行時聽過一些難聽說話，曾想過放棄轉行，她說︰「作為一個藝人，好多時係好努力去做好多嘢，你覺得呢個作品大家可能會好欣賞你的努力，但原來大眾未必咁容易接受，或者咁受歡迎，點都會有啲沮喪。」
不過Aka表示︰「好在有屋企人同仲支持緊我嘅人，我都會覺得仲有人支持我，我都唔係咁差啫，會有好大鼓勵，我媽咪同我阿妹係開解我最多嘅人，而且有好多好朋友，會搵佢哋傾訴，現在覺得自己冇走錯路。」