中原集團主席施永青曾經表示，自從中美和談問題鬧僵之後，入市的人變得審慎，二手交投回落，但價格不算回落很多。業主因為辣稅不肯賣樓令盤源缺乏，二手價錢企硬。施永青又直言：「破頂之後唔會升，會回落㗎喇，不過幅度唔會好大。」他認為下半年會出現跌市，但跌幅應該不容易多過今年的升幅，「世界會變㗎嘛，唔係永遠咁樣。」
施永青認為，中美兩國產生如此大的摩擦，影響兩地人的生意：「中美貿易戰唔係只係貿易戰，美國要壓抑中國成長，所有壓抑中國嘅嘢妘ㄦ|做。例如政治上令中國周邊國家加入美國陣營一齊圍堵中國，又會煽動『台獨』、『港獨』，製造矛盾，令香港成為中國包袱。」
中美貿易談判的背後波譎雲詭，對經濟的影響並不如表面般簡單。施永青稱，經濟上貿易戰只是一部分，將來價格戰、金融戰都會出現，令中國不容易崛起。至於部分人擔心《逃犯條例》影響香港營商環境甚至樓市，他認為修例應該不是要引渡異見分子，亦不是針對商界，而是針對逃犯，相信不成影響。