■葉巧琳(左)再擔任陳柏宇演唱會嘉賓。香港文匯報訊 陳柏宇（Jason）的《SPEECHLESS演唱會》前晚移師到深圳福田體育館舉行，適逢前日是Jason的36歲生日，全場歌迷一起為他唱生日歌慶祝，令Jason開心又感動！
前晚先由Jason的小師妹黃妍擔任暖場嘉賓，演唱《慢慢喜歡你》和《笑容迷路了》。其後輪到抱病上陣的 Jason 現身演唱《霸氣情歌》等人氣作品。他在台上透露擔心病情影響演出，幸好綵排時一切順利，他笑着向觀眾說：「不過對你哋嚟講都冇乜影響，因為你哋已經畀咗錢無得退，無論我把聲幾爛，你哋都要坐喺度聽。」觀眾聞言也笑着叫Jason「回水」。而當Jason提起寶貝女Abigail與太太符曉薇（Leanne）也有在現場睇騷時，顯得分外精神，他再跟觀眾開玩笑說：「大家望我個女呢，又貴少少㗎喎，張飛會多廿蚊！」 Jason更叫Leanne幫手遮囡囡的樣子，引得觀眾爆笑。
全晚的焦點當然是 Jason 生日，今次再擔任其演唱會嘉賓的葉巧琳上台透露在開騷前一晚，已送上蛋糕為Jason慶祝，Jason也指今年的生日很特別，因為可以在演唱會中與一班粉絲度過，他說：「人越大越發覺生日係唔需要去慶祝嘅，但有人同自己慶祝係開心嘅，今年生日又特別啲，喺演唱會中度過。」他更叫粉絲在完騷後，心中想着「為了慶祝陳柏宇生日」而去吃蛋糕，算是遙距為他慶祝。
粉絲秘密拍片祝賀
Jason唱完《磚頭》後，現場大銀幕播出一班 Jason的粉絲預先錄製生日祝賀的短片，全不知情的Jason看完短片後，難掩感動，但隨即又笑言：「做咩成日都有啲嘢瞞住我，但又喺我演唱會度出現？」之後樂隊更奏起生日歌，Jason帶頭與全場歌迷歌祝賀自己，之後更與全場大合照作紀念。
前晚Jason多次被觀眾大叫要求「除衫」，Jason再拒絕：「唔除衫就熱，但除咗就凍，又熱又凍，我病緊㗎。」後來他索性推樂手頂上除衫的任務，場面相當搞笑。