■Yanny模仿長者去公園做運動舒展筋骨。香港文匯報訊 Super Girls成員陳穎欣（Yanny）與盧海鵬主演的劇集《仇老爺爺》近日熱播，為感受年輕人眼中的「廢老」，日前Yanny化身「仇老婆婆」體驗做一日長者。特地換上長者裝的Yanny戴上各式各樣道具，感受一下長者行動不便、視力和聽力不佳的情況下完成各項挑戰。Yanny先是負重模仿長者手腳慢，再去公園康樂設施做運動舒展筋骨，不消一會Yanny已體力耗盡「投降」，其後她戴上老花眼鏡挑戰穿針線，又戴上耳塞接受聽力挑戰。
雖然Yanny最後挑戰失敗，不過她似乎扮長者扮上癮，於公園內不斷模仿老者行路的一舉一動，十分搞笑！Yanny直言體驗後更了解長者︰「經過咁多體驗，原來當你耳仔聽唔到時，手腳又好慢時，你就會冇一份安全感，係會覺得有些陌生，作為年輕人會更明白老人家有好多唔方便。」
提到長者被稱為「廢老」，Yanny坦言起初聽到這個稱號有點嬲︰「我當初聽到呢個稱呼都幾嬲，唔解要咁話老人家，但好多時係因為時代背景同知識上唔同，所以老人家同年輕人就會有所謂鴻溝出現，而《仇老爺爺》係一套好好的劇去畀雙方知道『廢青』同『廢老』係咩，他們內心又係點樣呢。」她又稱︰「Super Girls 都做好多探訪，同老人家相處，係唔可以同長者有距離感，你要同佢玩多些傾多些，他們都會好開心同你玩。」