香港文匯報訊 （記者 梁靜儀）鄧健泓（Patrick）與趙慧珊（Aka）昨日到書展出席前有線主播嚴崇天的書籍宣傳活動。他表示有份寫序，也有想過出書，因在娛樂圈多年經歷不少風風雨雨，發生在他身邊的事都幾有趣。
Patrick主動提到太太石詠莉日前為了下月推出的新碟宣傳做運動減肥而發生意外，把他嚇倒：「有日太太做完運動，就開缸浸熱水浴，廿分鐘後佢突然大叫老公唔掂，見暈，我即刻抱起佢，佢已經冇知覺，反白眼兼休克，我抱咗吨W床幫佢抹乾身同着衫，佢仍然係休克，手腳黑晒，隻手仲抽筋，我驚到即時報警，救護車十五分鐘就到，救護人員第一句就問我哋係咪嗌交，因為太太係過度換氣綜合症，喺情緒激動下就會發生，救護員畀佢聞氧氣後，再觀察佢可以企起身才走，冇入院，而太太醒後仲反問我有冇拍片影相。」他估計是太太浸浴時睡着了，不夠氣不斷吸氣所致。