莫文蔚香港文匯報訊（記者 李思穎）莫文蔚（Karen）、劉倩婷和顧定軒昨日出席慈善活動展覽會。行色匆匆的Karen在港逗留兩日，今日便飛往歐洲工作，這陣子主力忙於巡迴演唱，與此同時正張羅為媽咪籌備9月的80歲大壽，Karen說：「如像一個大型party，她已給我賓客名單，會邀請二三百人出席，好多朋友同媽咪都好落力安排，大型過我結婚，最重要是她開心，不過媽咪沒有要求我送禮物，只會催我返英國陪老公，怕我忽略老公。」
Karen承認因工作太忙，老公有投訴，所以年底完成巡唱，有機會返香港作最後一站演出後，便會放下工作多陪老公，她謂：「我哋試過最耐一個月沒見面，今個月初都有返英國幫佢慶生，還送佢喜歡的卡通公仔物品做禮物，我哋兩個都好童真，哈哈，其實老公真係好唔話得，對我好有耐性，證明我嫁得好。」
Karen被問到舊愛周星馳被傳結婚一事，她笑說：「我唔知，都有聽過這報道，你問佢啦，佢咁神秘。（你哋有聯絡嗎？）最近一次係佢部戲上，由我同秋官（鄭少秋）合唱《世間始終你好》時，大家有見過面。（星爺結婚可信嗎？）通常可信性好低，但係都唔出奇，佢都一把年紀應該要結婚，真嘅會恭喜佢。」