■董敏莉香港文匯報訊 董敏莉(Monie)日前拍攝網絡短片，宣傳產婦修身療程。Monie要露出香肩拍攝，其中一幕更男扮女裝上陣，造型搞笑！董敏莉就話今次犧牲甚大，要暴露自己的「缺陷」：「因為講到產後瘦身，今次係拍療程前的狀況，Bye-Bye肉、肚腩都被人拍晒大特寫，仲要公開埋我產後腰圍數字，平時我都唔敢度幾多吋，今次我豁出去聽她們想點拍就點拍！」
董敏莉表示今次贊助來得及時，完成療程後可開工拍攝ViuTV劇集：「之前一直都未修身，諗住殺到埋身先算，今次拍呢個短片順便瘦身，點知已經收到消息要拍ViuTV新劇，仲好似有床戲激吻，到時就可以執正啲上鏡。」
Monie就爆今次短片拍攝十幾小時，已經不捨得愛女囝囝，不時視頻查看情況：「點可能放心！我不時以視頻睇佢做緊乜、食唔食得飽，仲要途中走開泵奶，希望冇阻到拍攝進度！」