■Sammi邀請她非常欣賞的女歌手莫文蔚擔任表演嘉賓。香港文匯報訊 前晚不但是天后鄭秀文（Sammi）「＃FollowMi 世界巡迴演唱會2019 香港站」第11場演出，亦是她在紅館舉行第100場演唱會，她以超級精彩和真誠的演出，答謝歌迷一直以來的支持和愛戴。而前晚Sammi邀來另一天后莫文蔚（Karen）擔任表演嘉賓，Sammi直言對方是她好鍾意的女歌手，故此表現興奮，Karen就大讚Sammi演戲、唱歌、跳舞都好好，邀請Sammi一齊演音樂劇。
電影《花椒之味》團隊前晚捧場，Sammi戲中兩位妹妹賴雅妍和李曉峰，以及導演麥曦茵到場支持，完騷後在後台見到Sammi時，兩位「妹妹」同聲大叫：「姐，你很厲害！我們看見你的『溝』！哈哈！」三姊妹興奮擁抱， 李曉峰更激動到眼濕濕。她們專程來港捧Sammi場，並出席電影分享會。
兩位天后等逾廿年後同台
昨晚Sammi邀請她非常欣賞的好朋友莫文蔚擔任表演嘉賓，Sammi介紹她出場時已難掩興奮之情，她說：「今晚嘉賓係個人my favorite，我長年累月都有佢嘅歌跟身，成日都會聽佢嘅歌，雖然佢比較少喺香港同大家表演，所以今次能夠邀請到自己好鍾意嘅女歌手同台，我真係好開心！」音樂響起，身穿紅色裙的Karen從升降台出場，她一開口唱《忽然之間》，全場吶喊，Sammi恍如小粉絲說：「嘩，好好聽呀！」
她們手拖手唱歌，又扮行catwalk。唱畢，Karen說：「我哋從未同台做過任何嘢，我都唱咗26年，我等你呢個電話等咗幾耐？」Sammi笑說：「由水壼（電話）年代等到現在。」又說：「你係我自己All time favorite，我真係好鍾意聽你唱歌，你接受我邀請，我真係好開心。不過我睇報道得知你好快開埋最後一次演唱會，就唔再做pop music嘅concert。」Karen坦言：「係，我同自己講要喺最好嘅時候，將最好嘅自己畀咗大家，然後要做下一樣嘢。（即係咩？）Musical。」Sammi感嘆明年二月可能是Karen最後一場演唱會，揚言要去捧場。Karen邀請Sammi一齊演音樂劇，說：「其實你適合做Musical，識得演戲、唱歌、跳舞，唱live仲要唱得咁好，真係冇乜邊個。」之後Sammi落台換衫，Karen獨唱《如果沒有你》，全場觀眾大合唱，非常震撼。
紅館開騷百場紀錄已達
前晚台下捧場朋友還有鄭少秋、蔡一傑、蘇麗珊、抗癌女歌手李明蔚、高皓正夫婦等。
完場後，Sammi在IG感謝歌迷支持：「順利完成十一場，內心充滿感恩。今晚亦是mi在紅館開的第100場演唱會。亦感激每位入場觀眾，整晚都跟mi心連心。一起笑，一起跳，一起感動，一起瘋。what a wonderful night，全場很多愛。mi這一刻身體雖然很累但內心卻很亢奮，因為我已（按）要求完成了十一場，只剩兩場了。終點在望。更重要的是，mi做了一個滿意度極高的演唱會。一切的付出；值得。」Sammi還拍片說：「好開心完成第11場演出，剩返兩場，開始有啲好唔捨得，希望繼續順利完成，放下心頭石，將所有壓力放低。做呢個演唱會真係花好多好多好多好多心力，做完演唱會要好好休息，盡情放鬆自己、放空自己。」