■拍攝海報時電影已煞科，但家輝(右)與小齊(左)似乎仍未抽離角色。香港文匯報訊 籌備兩年的電影《沉默的證人》今年暑假正式上映，近日多款電影海報陸續曝光。拍攝海報時電影已煞科，但家輝與小齊似乎仍未抽離角色，穿着醫生袍和手術手套、戴着金絲眼鏡的家輝，溫文爾雅，就算手執手術鉸剪和大力鉗，不減溫柔眼神；至於飾演悍匪的小齊，雖然戴住人見人愛的聖誕老人面具，但兇悍眼神穿過面具，令人不寒而慄。合照時小齊扯住家輝的醫生袍領口，目露兇光，家輝手無寸鐵，眼神充滿怨仇，令人好奇這 5小時殮房困獸鬥發生了什麼事。
家輝揚言今次電影非常考他演技，事關他本人「太好打」卻要為了角色隱藏實力，十級難度。他說：「戲中我飾演一個斯斯文文嘅法醫，唔識打交，理應捱打唔識還手，但拍攝時唔覺意使出《激戰》真功夫，下意識嘅自然反應，我最初都沒發現，打完一輪後導演 Renny Harlin 睇 playback 時發現，話我要好好隱藏，唔可以畀觀眾發現我食過夜粥。」小齊說：「戲中我係受過專業訓練，好打得，但家輝係斯文人只會打爛仔交，即係單憑本能反應擋拳、迴避或者掟嘢，例如玻璃樽、滅火器。家輝好體貼和好有經驗，知道邊個角度打落嚟唔會真 『爆缸』。相反，因為佢個角色唔識打交，反而要『硬食』，雖然做咗安全措施，但睇到都戥佢痛。」
外國人導演執導有新鮮感
家輝與小齊於14年前拍《大事件》時合作，這次《沉默的證人》由《虎膽龍威 2》動作導演雷尼哈林（Renny Harlin）執導，三人首度合作。小齊說：「今次合作感覺都幾特別，導演預先畫好晒storyboard，分鏡分得好仔細，每一個情緒、動作都會事前好詳細解說。」家輝說：「作為我們演員嚟講梗係好想乜都試，今次用外國人導演、外國人思想放喺香港電影，很有新鮮感！」
除了打打殺殺，戲中亦有不少內心戲，雖然家輝與小齊在戲中正邪對立，但在另一個角度， 小齊的角色是為了家人而走上不歸路，他說：「我嘅角色好立體，我本身唔係天生壞人，我想畀家人過好日子而走歪。喺家輝嘅立場我當然係壞人，我用好多方式去傷害佢身邊嘅人，或者利用佢嘅心靈弱點迫到佢崩潰，令他屈服。呢場戲令我很深刻，家輝表情變化處理得好細緻。」身旁的家輝謙說：「我跟住你去演！」小齊打蛇隨棍上，問家輝：「其實你好細心，你都係好導演。你幾時再做導演搵我拍戲？我都會全力以赴㗎！」