講起谷草成績，方嘉柏連續十五年於練馬師谷草成績榜不失三甲，其實方嘉柏從練首季喺谷草只取得十二冠十九亞十二季，勝出率只不過得7.5%，當時一定冇人估到佢之後訓練細場馬會咁勁。上季首季開倉立萬嘅丁冠豪，全季埋單取三十八場頭馬，不過就有二十場來自跑馬地，谷草成績位列第四，同方嘉柏只係差六場，而14.8%勝出率更屬練馬師之冠。練者成功安排「幸運神駒」、「奇妙星光」及「龍騰馬躍」幾匹處女馬喺谷草打開勝門，更加係練者代表作之一。此外，幾匹C布馬精英，「怡昌寶寶」（圖1號）、「極爽」及「寶山鷹」等，均在谷草取得好成績，練者對訓練細場性能馬匹看來亦有一定心得，而且谷草特佳之馬演出穩定，戰意鮮明，甚少有頻頻轉場轉路程的部署，難怪深受馬迷愛戴，估計今季丁冠豪大有機會挑戰谷草一哥地位。雖然丁冠豪上季首度從練，但成績上顯示，馬房全季取得三十八場頭馬，位列練馬師榜第九位，成績相當不俗，丁廄旗下大部分屬來投馬，因此轉倉馬成績為列練馬師榜首位，有此成績可說相當合理。上季丁廄大熱成績為十一冠五亞四季，勝出率31.4%及上名率57.1%，出爭盃賽場合共獲五冠一亞兩季，19.2%勝出率亦相當高，反映馬房作風頗明刀明槍。