■黃嘉雯（左）同廖倬竩（右）均被看好，是港姐冠軍之選。香港文匯報訊 （記者 梁靜儀）曹永廉(阿廉)、李思捷、林凱恩及羅天宇等，昨日出席無綫新劇《她她她的少女時代》之「綻放中年少女心」宣傳活動，現場思捷與阿廉則合唱《友情歲月》炒熱氣氛。
昨日十位候選港姐都有到場，原本要阿廉與思捷揀出心水三甲人選，兩人近距離細心睇完一輪後，最終也沒有貼出三甲人選。首次會見佳麗的思捷，受訪時被問到覺得佳麗靚唔靚，他說：「靚，每個人都有自己靚的一面，(點解唔揀三甲？)驚另外個七個會hurt，唔開心，動搖她們的信心，選港姐係要美貌與智慧並重，如果我五分鐘就可以揀到，咁我呢個評判就冇得頂，港姐年年都搵我去做評判啦。」阿廉被問到是否很難揀出三甲人選時，他笑言要面面俱圓，怕選出心目中三甲就會得罪其他七位佳麗，影響她們的信心。早前阿廉曾擔任澳門外景嘉賓，並大讚1號黃嘉雯口才有進步，說話比之前流暢。
廖倬竩為參選節食減肥
大熱門黃嘉雯受訪時，對於阿廉讚她口才有進步，她開心地說：「多謝，好開心有前輩讚，之前見過佢，所以今次冇咁怕醜。」港姐決賽舉行在即，問到她有何準備?黃嘉雯透露近日除忙於為決賽排舞及練Catwalk，亦有抽時間翻看之前的港姐決賽，自己又會對着電視嘗試答問題。
被視為黑馬的9號廖倬竩表示為了參選節食做運動減肥，兩個月來已減了十至十五磅，她苦笑說：「參選前食唔停，呢兩個月就要節食同做運動，又會食啲以前唔會食的東西，而今日（昨日）都只係食了麥皮，呢段時間好痛苦，希望比賽可以快些結束。」