■溫碧霞一有時間就陪囝囝。香港文匯報訊 溫碧霞（Irene）趁學校假期結束前，最後一擊陪伴囝囝及老公飛到峇里度假，因為接了好多工作及要錄音，Irene今趟只玩了大概一星期，她笑言：「一星期眨下眼好快過去，開心時間過得特別快，不過好過冇喇。」
在峇里一星期，一家三口不停歎美食又四處去玩，問她肥了幾多磅返港？她得戚哈哈笑說：「冇喎，唔單止冇肥，反而仲瘦咗，因為每日運動好大，我哋日日游水、踩單車、打乒乓波又做瑜伽，健康咗又瘦咗，峇里啲嘢食真係好好味，我哋唔係玩就係食，好彩運動量大咋。（瘦咗幾多磅？）冇刻意磅呀，最開心係肌肉結實咗。」
既然那麼鍾意峇里美食，問她有沒有想過在當地開辦餐館？Irene坦言曾經有當地開餐廳的朋友也建議過，對方做得好成功，但她考慮了一陣就打消了念頭：「我驚冇時間打理，暫時仲未係時機，不過可能過幾年我會考慮，我都好有興趣在峇里開一間望海又有格調又浪漫，可以畀大家好舒服咁歎美食嘅曙U。」