第五場「潮州小子」休出表現特別好，上季初出跑第二只負馬頸位，其後一連四仗不勝有位，可見季初威力非同小可，值得跟進。「遨遊神駒」上季全季減分，現評五十三分比贏馬時低一大截，賽前安排在從化試閘跑第一，估計有力打快攻。
第六場「舞士精神」上季兩戰直路賽獲一冠一亞，屬早熟快馬性能，暑期初期在從化馬場積極備戰，埋門到嘉年華草閘交由潘頓出試跑第一，磨利再向勝途問津，決心先下手為強。「奇妙日」上季在三班直路賽都一再跑得接近，如今在四班必有一定分量，易廄後未交代，戰意鮮明。
第七場「金鎗六十」上季插班後頭三戰千二米全部勝出，最後一場加程跑千四米才落第，明顯係長力未養成，抖暑後養足體力重返勝途復前失。「牛角仔」上季出道之後五度上陣非勝即位，埋門由潘頓親自試大閘且勝出，質新進度勇熟俱增，大有機會成為蘇偉賢馬房今季開齋馬。
第八場「蒙古王」在上季遮打盃平磅得第六，回師二班佔微利，憑新鮮感跑千四不嫌短。「百步穿雲」上季煞科日賽事捧盃食尾糊順利趕上尾班車，今次繼續用上本地華將一哥何澤堯執韁，有權取得跨季孖寶而回。
第九場「知道必勝」上季新馬三戰兩冠一亞，僅曾敗於「忠心勇士」而已，既然後駒上季插三班仍能勝出，推算「知道必勝」實力在此甚超卓，加上在嘉年華草閘輕勝，締速是當日五組最快，雖初與年長馬對賽亦不能輕視。「神威敖翔」上季雖未贏馬，但在質新馬林立的三班賽經常有接近演出，結合評分與上季尾入Q時一樣，方仔肯保留甚有機會成為先頭部隊。
第十場「鴻圖巨星」自上季煞科後便運往從化操練，來港前在外地三捷並於一級賽跑第二，今季落到三班起步有着數，可替馬房搶攻。「帝豪寶寶」出名快槍手，唔止上季一出即勝，前季同大前季首戰都係非一即二，跑新鮮威力特強，配合「帝豪福星」而來必拚無疑。