【資料速遞】百步穿雲先聲奪人

2019-08-29

近季都只得約個半月唞暑期，故臨近季尾之勝出馬，往往可於新季初搶攻得手，近三季開鑼戰就合共有八駒取得跨季孖寶，新一季開鑼共有八駒力爭跨季孖寶，不妨秤先此類分子。對上三季開鑼戰都係跑十場，當中前季有「四季旺」取得跨季勝利，另「贏馬神器」、「霸勝」及「英明勇將」就在上季得手，可見此批季尾冒勇分子，往往係各廐出擊先頭部隊。周日八駒曾於上季最後一仗勝出，賀廄「百步穿雲」於上季煞科戰食尾糊，勝後約一個月已安排快跳，乘勇有力於贏馬路程千四取得跨季孖寶。此外，容廄「極速前進」及大摩「美麗動力」俱瞄準上季尾贏馬路程，同樣係開鑼戰馬房爭勝籌碼。