【資料速遞】魅影揚飛整裝待發

2019-09-06

八月廿三日安排六組泥地大閘，全日最搶眼馬匹，可算是第二組姚本輝馬房的「魅影揚飛」。呢匹馬以往表現只可以話不過不失，前季兩捷後，上季三度上名而未能再添進帳，因經常近而令評分未有太大起落，現評七十分比上季起步只減一分而已。「魅影揚飛」今季早於七月尾復課，其中呢課千二米泥閘以輕鬆姿態掄元，更是四組相同路程中締速最快一匹，「魅影揚飛」走勢極之乖巧，早段交出不俗前速，快如「開心好玩」亦有不及，入直路移出中檔衝，離欄形勢之下亦未見有左片右片情況，貫注到尾相當勇熟，鞍上人杜美爾過終點一刻更不禁拍馬頭摸頸以示嘉許，反映深得歡心。