【資料速遞】皇龍大將老而彌堅

2019-09-06

八月廿四日安排五組草地一千米大閘，觀賞性相當不俗，第一組慣例安排評分較高馬匹出試，此場跑第六名的「皇龍大將」，起步反應極之敏捷，鞍上人薛恩刻意拖番實，留到落馬群最後位置，全程未有騎過之下，末段主動增速，拍實目前評一百一十七分「有理共想」喺馬群尾疊竄上，走勢勁度十足，過終點後餘勢更屬最強一匹，姿態相當討好。「皇龍大將」今季雖然已屆八歲高齡，但近兩季均有頭馬交出，上季亦取得一勝三位，多番跑得近，戰鬥力尚未退減，老而彌堅，而呢課大閘亦反映此駒仍有兩腳，狀態一操即起，有機會打快攻。