■溫碧霞日前出席巴黎時裝周。香港文匯報訊（記者 植植）溫碧霞（Irene）日前已飛抵法國出席巴黎時裝周，此行是應時裝品牌邀請出席前晚舉行的DIOR Show，Irene穿上一襲黑色露肩長裙晚裝現身，神秘黑色中不失女神魅力。
Irene身邊的工作人員經常取笑她是陽光女神，前晚出席騷時又再應驗，事緣到埗頭兩天都萬里無雲好好天，怎料昨晚出發時突然下雨，到埗時竟然陽光重現，Irene得戚說：「今次出席賓客特別多，前往場地條路非常塞車，沿途都一直落着雨，哈哈，真係好奇怪，我哋部車到咗會場預備落車，突然停雨，只係好細的雨粉，睇完騷出嚟直情陽光普照，大家講笑話同我出街唔使帶雨傘。」
Fashion Show位於馬場旁邊的郊區舉行，Irene開心說：「好多謝上天，明明落雨，都會突然變返陽光普照，如果落雨就嘥咗咁靚咁舒服郊區。」Irene並大讚品牌今年春夏季時裝好靚，主打雪紡及圖案，非常適合她：「我真係好鍾意巴黎，日日行街食嘢，我都忍唔住手買咗好多靚衫，買咗7位數字，好值得，做商演及出席活動都要好多靚衫。」