■周志康接受主播許文軒(左)訪問。香港文匯報訊 周志康日前作客TVB娛樂新聞台節目《StarTalk》，大談入行十年首度推出個人單曲《少年時代》感受。阿康說：「入行十年得到呢個角色同歌曲好感恩，都算係一份禮物，今次首歌好Rock，好多人話估唔到係周志康唱，有啲人仲唔知我係唱歌，今次都係一個好好嘅機會再重新認識我。」
談到遲來的唱歌機會，他說：「之前少咗唱歌都有啲灰心，對拍劇更加摸不着頭腦，不過我都好感恩有拍劇同做主持嘅機會，我覺得呢行係要默默耕耘，我屬於慢火，雖然我慢慢行，性格隨遇而安，但唔出歌又唔代表我唔鍾意音樂。我好慶幸呢兩年間同翟威廉及周志文做咗Happy Live，其實Happy Live可以話係重燃我唱歌團火，因為Keep住唱，令我唔會怯場，如果冇Happy Live練習，我錄歌都可能會生疏。」