■蔡明思與圈外男友在大會堂簽紙註冊結婚。香港文匯報訊 Super Girls成員蔡明思（Jessica）與圈外男友Steven下月27日於台灣擺酒，而兩人前日先在大會堂註冊結婚，只係邀請了雙方家人。二人在社交網分別上載簽紙相，講「Officially Chen's now。」
Jessica回應說：「註冊當日原本冇諗住請任何人觀禮，因為婚禮在台灣舉行，諗住到時邀請親朋好友去分享我們的喜悅。不過當我們同家人講呢件事，雙方的家人都分別從台灣同內地過來觀禮。原本我們打算男友（老公）請半日假，來簽紙便完結，點知最後變了好多人。」她又表示：「過程好開心，不過我事前一點也不緊張，之前一晚沒有失眠，可能因為未到婚禮當日，昨（前）日只是簡單簽紙宣誓，不過當簽完紙後，發覺自己身份唔同咗，反而開始覺得有少少唔習慣，唔慣已經成為人妻。」
Jessica還說一度以為自己會感動到喊，但最終卻沒有，她說：「過程中，我都諗自己會唔會眼紅紅感動到喊，始終係一世的事情。但最後係冇，因為男友（老公）太古靈精怪，簽紙時仲開心笑講『畀我考慮吓先』。呢個時候佢仲掛住玩，令到我要教訓佢話『玩完未？唔好再玩！』，搞到來賓係咁笑，氣氛好開心。」