■李施嬅香港文匯報訊（記者 梁靜儀）李施嬅昨日到電台接受訪問及宣傳熱播劇《金宵大廈》，對於劇集播出後好評如潮，施嬅坦言都想憑此劇奪視后，不過她就覺得機會不大：「我覺得陳山聰有機（得視帝），我就冇機會喇，因為都唔知有無資格，（因已離巢？）都係，不過冇都開心，因劇集反應太好，有啲網民話如果我今年唔攞視后就唔睇TVB，好多朋友都話趕返屋企追劇，呢個得着比攞任何獎嘅感覺都要重，入行以來未試過咁澎湃，走咗先咁，當留個美好回憶，好過走咗冇人記得我。」問到可感到遺憾？她謂已無想獎項很久，因不是自己控制到的事，最希望劇集能奪得「最佳劇集」，見到網民捧她做視后已好開心及好感恩。
前晚施嬅在《金》劇中的單元故事《鴉烏》中讀了一首英文詩，令觀眾留下印象。施嬅開心表示早上就收到表妹通知，有很多相關報道：「 好多人話讀得好似聽魔咒，事前我有做足功課，上網睇片參考點樣讀，有擺心思，讀嗰時好似朗誦咁。」
劇中施嬅飾演的空姐Alex ，與陳山聰飾演的大廈看更阿蕭有段前世姻緣， 昨晚劇情講述二人於六十年代的一段情緣，施嬅是演舞小姐CoCo，她謂要挑戰吸煙和做出性感的感覺，希望這個角色能給大家同Alex 一樣的感覺。至於很多觀眾都估她究竟有沒有死，施嬅就賣關子：「 生生死死呢樣嘢好闊，其實自己都唔知生定死，拍嗰陣時好懸疑。」不過她透露即將出街的單元會有羅蘭姐客串，並預告劇情令人心寒，初時都擔心能否出街，因她自己看到都感到不安。