■左起：湯怡、品牌總監陳彩霞及三吉彩花。香港文匯報訊 湯怡（Kathy）日前受法國品牌邀請出席巴黎時裝周，同場還有何穗、侯佩岑、三吉彩花等女星。首次「登陸」時裝周的Kathy相當興奮，「十歲左右去過一次巴黎，嗰陣時仲細個，所以印象唔深。今次非常之興奮！因為一直都好鍾意巴黎呢個地方，睇過好多電影，覺得呢個地方特別浪漫，好有藝術氣息。」
一直以來都少女味十足的Kathy在出發時裝周前，準備好將要來一個時尚大變身，改走型格成熟路線。這次巴黎之行，Kathy足足看了六場時裝騷，當中更成功向品牌設計師集郵，她更分別向他們請教時尚穿搭心得。
時隔多年再踏足巴黎，Kathy指除了浪漫氣氛令她印象深刻，她亦被巴黎的交通情況嚇到，「到埗之後第一個感覺係巴黎好塞車！任何時間、任何地方都超級塞車同埋成日封路，所以每日都預早好多時間，以防miss 咗任何一場show。」看show以外，Kathy亦趁機於當地瘋狂Shopping，「行程入面有一日空檔，呢日由朝到晚都喺度血拚，買咗好多衫褲鞋同手袋，差啲要買多個喼拎返香港。」