■海俊傑接受許文軒(右)專訪。香港文匯報訊 海俊傑日前作客TVB娛樂新聞台節目《StarTalk》，接受主播許文軒(Edmond)專訪，大談入行二十五年兼推出新歌《長大》感受。海仔說：「現在出歌唔係為攞獎，只係希望多啲人聽到我的聲，諗住出多啲新歌才再開騷。」提到入行初期一帆風順時，他說：「贏咗新秀後四日出歌，兩個月就出碟，當時萬千寵愛在一身，當時我唔成熟，啲嘢嚟得快個人就飄，一飄就講錯嘢，發脾氣炮轟華星，咪得罪咗自己唱片公司，當時自己唔知自己有問題， 仲以為可以繼續出碟，其實人家只係冇講明，根本就雪我。」
海俊傑亦談到於內地登台導致一度失聲，他說：「環境同音響好差，台下就飲酒猜枚，根本就係鬥大聲咁唱，由於聽唔到自己唱咩，而每日都係咁嘅時候，就令聲帶受傷同生繭，我普通一首歌都唱唔到，我以為自己永遠都唱唔返歌，當時喊咗出來，為咗繼續唱，自己停咗登台養聲。」