【資料速遞】二郎當弗青雲直上

2019-10-25

其實香港及澳門兩地都有養馬嘅馬主大有人在，好似以前配售馬精英「甜將」嘅馬主黃展亮咁，養馬運喺港、澳兩地一向都咁好，「甜將」固然贏過級際賽，以前佢喺澳門果隻「甜爆」，更加代表澳門跑過港澳盃，雖然呢兩隻馬都退咗役，但近期又有馬接到班。好似今次出戰二班泥地一哩嘅「二郎」，上季尾就掃走三場頭馬，今季又一出大熱即勝，而且跑泥地勁耍家，從未甩過Q，而喺澳門佢名下嘅「甜滿」，響日前已贏得跨季孖寶，仲同上季冠軍練馬師錢健明打開新季勝門，如果「二郎」今次再贏埋呢口澳港孖寶，肯定會成為一時佳話。