跑馬有時真係有路可尋，大家仲記唔記得有次莫雷拉有正選馬唔揀，寧願等後備馬城城隻「舞士精神」補上，結果真係如其所願補出角逐，因為該場排十一檔際遇欠佳，最終只得第二名，但反映呢匹馬在莫雷拉心目中是匹機會馬，「舞士精神」之後再出終在莫雷拉胯下補中。今次日賽，又出現上述類似的情況，這匹便是賀賢馬房的初出馬「好大大」，這駒首次報名是在十一月三日的一場四班田草千二米，該仗配潘頓列為後備一，最終並沒有成功補出，結果潘頓這場變成冇份參賽。該場前三名馬順序是「清新動力」、「春風得意」及「優達星」，上述三匹馬其實潘頓都可以騎，後兩駒埋門試大閘更是由潘頓主理，當事人賽前為牠們做過準備工夫，相信馬房必屬意以他為主帥，不過，最終潘頓推庄了。「清新動力」或者未必潘頓有機會揀騎，因為早前一仗曾由他披甲，但表現反不及早前配利敬國，可能幕後是有心換回利敬國拚個明白，然而雖然頭馬無得揀騎，但後兩駒仍有入位表現，反映潘頓甘作後備騎師為「好大大」披甲，此駒對他必有更大的吸引力。看「好大大」的備戰過程，賽前三課大閘均是由潘頓一手主理，先是九月份試課八百米直路閘得第三名，十月份則連續兩個禮拜的大閘亦由潘頓親自考驗，一課一千米直路閘得第一名，另一課泥地千二米大閘得第三名，均在潘頓胯下有出色的走勢，今次列陣田草千二米，足有一出即勝條件。