【資料速遞】歡樂之光故劍重逢

2019-11-15

周日係國際賽前最後熱身，三場二級賽當然係重頭戲所在，不過另一個矚目焦點，就係蘇兆輝重臨客串，以呢位重量級人馬響香港受歡迎程度，當然唔愁無支持，雖然人未到，已經私底聯絡定一啲相熟練馬師搵支持。喺上季首度客串，佢就憑「共創更好」響頭炮，今屆佢揀咗有三場二級賽嘅大賽日子首度披甲，當然想攞頭綵，馬會盃夥拍上屆香港盃得主「歡樂之光」，馬會一哩錦標會騎「烽煙四喜」，而馬會短途錦標，就再為高廄「有理共想」執掌帥印，三匹上季都由佢贏過嘅馬，默契當然無問題，由於蘇兆輝受到聘約所限，所以今年客串期將會由上季四個半月的客串期，縮短為兩個半月，騎至一月底。