【資料速遞】日日精彩如箭在弦

2019-11-15

「遨遊戰士」上季尾首次用潘頓再次贏馬後，今季復出跑田草一千米，全部人都充滿期望，點知輸俾打破直路賽全港紀錄時間嘅「忠心勇士」，只跑第六名。經過一段時間休息，「遨遊戰士」終於有機會再上陣，事關姚本輝幫呢隻馬報咗跑二班田草千二米，亦係首次角逐轉彎路程，但鞍上人已經唔係潘頓，反而變番幫呢隻馬一出即勝嘅田泰安。咁潘頓揀咗啲咩佳駟，原來就係羅富全嘅「日日精彩」，呢隻馬上季六戰三勝，其中一場喺潘頓胯下贏三班田草千二米，造一分八秒四一快時間，今次復出賽前試泥閘走勢炮彈咁勁，似乎已準備就緒。