香港文匯報訊（記者 梁靜儀）苑瓊丹（苑仔）昨日以一身偵探造型錄影節目《開工大吉77》，並邀得由藝人轉做武術指導的羅天池擔任嘉賓，多年前曾爆「魔術鹹豬手」秘聞的苑仔坦言會在節目中爆料，她說：「爆啲料係開心，大家可以接受到嘅，我曾經搞到人哋雞毛鴨血，以前爆完我曾經講過唔再做呢類節目，但呢次好希望爆啲得意有趣嘅。」她謂最想解構娛樂圈這個行業內不同工作崗位，因幕後有很多功臣，不是只得演員，包括茶水阿姐、道具、副導演、導演、武術指導、燈光及收音師等，希望讓大家對台前幕後的工作有更多認識。
苑仔表示節目暫定有廿六集，談到她早前曾自爆因太緊張而要靠食安眠藥入睡，問到做節目主持會否很大壓力？她笑說：「因為開工時間好早，又要去好多唔同地方，我驚自己唔夠精神，因為我哋做法係好近距離同生活化，我哋唔用稿，好多嘢要即時發揮、即時要記，新聞發生咩事要立即拎出嚟講，變咗有好大壓力，開工前一晚會失眠，都想食安眠藥，但最後都冇食，迫自己去瞓。」問到丈夫可有投訴她少時間陪伴？苑仔說：「我老公唔使我陪，佢成日唔喺香港，我又經常周圍走，當感情昇華到一定階段，大家就唔使見面都等如見到。」她又自爆為了拍攝節目與老公分房睡，因老公習慣開燈、開電視才能入睡，但她不能，寧願在另一間房睡覺。
另外，由幕前演出走到幕後的羅天池，在節目中分享做武術指導的生涯，他又感激演員生涯裡遇到的都是好人。他表示現時除會做武術指導，閒時又有教人打拳，但就沒有收徒弟。