第四場「永益善」谷草一哩向來表現出色，季內經四仗熱身後，狀態推至最佳水準，今次對手無多可穩入前列。「又夠醒」上場越程初跑一哩已殺入第二名，四歲馬如今已搵到出路，復課再試大閘催谷狀態，全場唯一打王牌之馬有力叩響勝鼓。
第五場「如真如假」上場返谷草果然在薛恩胯下贏馬，可算苦盡甘來，如今打破缺口後可期頭馬一不離二。「超能量」今季加盟韋達馬房已五度上陣，取得兩亞一季一殿一第五，次次有獎金收但尚欠一場頭馬交代，賽前由練者韋達一手操好，今次再揀谷草上陣似不贏絕不罷休。
第六場「孖寶」季內三戰全跑入圍，贏馬後留四班角逐可期再贏升班去。「自由喜」今季兩戰谷草一千米，初出不敵「南莊加好」但跑贏「奇妙日」得第二名，上仗落敗驗出不良於行，復課上從化悉心操好試埋大閘，捲土重來可施回馬槍。
第七場「勤德兼備」每次贏來都有好分頭實而不華，而且跑谷草A跑道累積四勝確實厲害，今次沿留三班再戰勝途，睇通對手有力再建奇功。「智力寶」前仗千四米直路受困未能發揮，上仗轉來谷草一哩走來車前倒後得第三，賽後上從化試閘操好，今次易配捲土重來可還以顏色。
第八場「超級綠洲」來頭絕不簡單，為紐西蘭兩項二級賽冠軍並在澳洲打吡跑獲季軍，為羅富全馬房今季爭奪四歲系列大賽的利器，熱身後轉場對手弱志不在小。「星運明爵」在紐西蘭取得三捷，最後一仗三級賽以一放到底姿態輕勝，身後亞軍為「超級綠洲」，今次兩駒在港狹路相逢，屆時又可打遭遇戰。
第九場「明駿之星」今季五戰全部安排跑谷草，陣上不勝亦保位，四歲馬銳不可當，繼續出戰三班勝途有力再接再厲。「一拍即合」上季出道兩戰谷草一千米全勝，今季小休復出升上三班角逐順利以大熱門身分再下一城，贏馬姿態猶有餘勁，今次加程跑千二米問題不大，有力保持不敗之身，值得重視。