【資料速遞】超級綠洲做齣好戲

2019-12-24

今季四歲系列賽快將開波，首關香港經典一哩將於下月尾舉行，各路四歲精兵正積極備戰，另一邊廂，騎師們亦正落力爭取優質坐騎，當然潘頓同雷神就另作別論，可以睇定慢慢揀。潘頓在剛過去的國際賽四大皆空，獎金落後雷神一大截，當然希望在下半季的一系列大賽補數，其中四歲系列賽三關總獎金合共四千萬港元，若然能包攬晒三關頭馬，勁過中六合彩。下月首關香港經典一哩，潘頓目前有三匹心儀坐騎，分別是羅富全旗下「超級綠洲」、「駿龍駒」及東廄「將耀」，「超級綠洲」今次角逐跑馬地二班一哩，部署上大有捨難取易之感，睇下潘頓今次可唔可以做番齣好戲。