【資料速遞】醉翁意一哩謀突破

2019-12-24

蔡約翰向來訓練馬會大董馬都表現出色，女大董梁高美懿嘅「勝得精彩」上季六捷榮膺最佳新馬，至於利子厚嘅「天下為攻」更曾成為最佳短途馬，早前亦有名譽董事榮智健「四通八達」贏馬。講起利大董，佢匹「天下為攻」前季四戰四捷，之後年幾時間未拉過頭馬，國際賽之後更安排退役，據知將會運返澳洲牧場頤養天年，今次利大董有份嘅團體馬「醉翁意」上陣，有機會令佢再影威水相。呢匹四歲馬季內曾在谷草千二米追獲季軍，但近仗馬房一再安排出戰一哩，似乎此駒氣量及中距離性能有晒信心，今次可望取得突破為利大董贏番場。