【資料速遞】神龍駒決心贏番場

2020-01-03

前中國體操王子李寧建立嘅上市公司李寧體育用品公司，近期股價節節上升，破頂闖新高，李寧商場得意當然亦想旺埋馬場，今期佢有份嘅團體馬「神龍駒」，出戰四班田草千八自要留意。呢匹馬上季尾轉入東廄發展，至今跑咗七仗仍未贏，上季最後一仗在二千二百米入位，但今季初枕住跑千四及千六米唔夠衝，上次終於變通增程跑千八米，長力當然唔使懷疑，可惜直路一程鞍上人田泰安跌鞭，拉士二百米只能用手齋推，最終影相僅敗輸得唔抵，李寧自一七年一月十四日贏完「光速銀桂」後未拉過頭馬，話唔定呢駒可幫佢破悶局再影頭馬相。