【資料速遞】美麗非凡磨利槍頭

2020-01-03

自從擔任馬販工作後，大摩兒子喬治引入咗唔少好馬嚟香港，最出名當然是「美麗傳承」啦，而上年摩仔喺澳洲買咗兩匹高價自購馬，其中一匹為「美麗非凡」，據知身價為二百萬澳元。呢匹馬來頭絕不簡單，除贏過二級賽外，曾角逐千六米一級賽澳洲堅尼只不敵「神秘出行」跑第二，表現非常出色，而「美麗傳承」馬主郭浩泉亦喺社交平台話好期待「美麗非凡」披上「美麗」系綵衣上陣，就知佢哋對呢匹新寵有幾大期望啦。今場二班千四米，「美麗」系馬出兩駒，包括「美麗非凡」和「美麗滿紛」，前者賽前四課大閘都由莫雷拉一手包辦相當重視，「美麗」系若然屆時一Q回來，肯定為城中佳話。