■ 朱晨麗於蘇州睇演唱會之餘，更吃大閘蟹。香港文匯報訊 藝人之間在工作促成下容易產生友誼，近日剛剛播畢的無綫劇《多功能老婆》便令劇中演員朱晨麗（朱朱）及楊千嬅變成好姐妹，雖然劇集落幕，但「姐妹情」繼續升溫！在千嬅最近巡迴演唱會中，朱朱就以好友身份先後於上海及蘇州現身捧場，其中蘇州更是別具意義，皆因朱朱自己就是「地膽」一名。
朱朱說：「我係蘇州人，梗係要盡『地主之誼』，況且上海睇完覺得唔夠喉嘛。」除了親身支持，她更帶埋父母去欣賞。「千嬅蘇州嘅演出雖然正值冬至，但嗰場台下嘅反應特別好，千嬅好似萬人迷咁，佢全場都好感性，不停流眼淚答謝粉絲，我覺得佢絕對係一位好值得學習嘅藝人。」
除了欣賞好姐妹的演唱會之外，朱朱此行更是為了陪家人過節，她說：「我有探埋婆婆，成個假期都好溫暖，無論天氣點冷，我都覺得暖笠笠。」掛念家人之情溢於言表。
朱朱「為食」一面也在此行中得到滿足，全因蘇州盛產大閘蟹：「可能好耐冇食過，我竟然控制唔到自己，一下子食得太多嘢頂住個胃，最後嘔咗出嚟，下次我會節制啲㗎啦，不過食到嘔依然好開心，事關大閘蟹係我童年嘅回憶。」