■何韻詩謀出國語或台語專輯吸金。網上截圖台灣地區日前嘅選舉，民進黨事前大打多張悲情牌包括大打香港修例風波牌，散播恐慌，令政績乏善可陳嘅蔡英文成功連任。咁樣嘅因果關係明明白白，唔少「黃絲」甚至「港獨」分子當然覺得自己應該被「論功行賞」，要求台灣方面照顧返啲走難嘅香港「手足」。不過，浸會大學學生會會長方仲賢早前先因為台灣唔幫手足而鬧人哋食人血饅頭，結果俾台灣人鬧返轉頭，經過呢個教訓，今次唔少「黃絲」率先向呢啲自己人開刀，叫佢哋唔好往自己臉上貼金、唔好成個乞兒咁向台灣搲着數，咁樣咪又爆發一輪罵戰囉。
杜汶澤乞求救「手足」
其實兩種觀點都有大批「黃絲」擁護㗎。其中，「港獨」藝人杜汶澤就喺坉耖acebook專頁「杜汶澤 喱騷」度，完全鼓吹「台獨」咁話︰「希望妳（蔡英文）記得協助妳當選的香港『義士』的血淚，希望你會繼續為香港『抗爭者』發聲......最重要是希望『蔡總統』可以救助流亡到台灣的香港人，香港手足不是 condom（避孕套）！」
對蔡英文冇乜信心嘅社民連副主席周諾恆都開post話︰「（蔡英文選舉總部）台上『光復香港 時代革命』嗎？好了，那有香港人收到過民進黨或政府的資助嗎？難民法甚（什）麼的需要時間嘛，好的。勞工甚（什）麼就算了。不強求。」暗示唔覺得蔡英文會幫香港人。「Joy Tabby」氣憤狠批蔡英文利用香港︰「妖，人血饅頭到呢！......關心而不介入，但選前之夜勁大篇幅講香港係乜玩法？」
不過，亦都有人唔同意呢啲講法。「Albert Chan」留言質問︰「欠×咗你咩？」周諾恆都唔弱︰「消費（義士）唔使俾（畀）錢？」「Albert Chan」揶揄回應︰「怪不得有台灣人當香港人乞兒。」周諾恆再次寸返轉頭︰「香港人最好無錢收都當人『恩客』。」
「黃醫」反斥搶功厚面皮
「黃絲」醫生黃任匡就出post勸喻呢啲覺得台灣要「報恩」嘅「黃絲」話︰「做個成熟的香港人，好嗎？」佢直斥，呢種「往自己臉上貼金」嘅壞習慣，真係要改一改，認為台灣人自己建立民主制度，香港人「冇功勞㗎」，「宜（𠵱）家厚著（着）面皮走去向成功『捍衛自己家園』嘅臺（台）灣人領功（甚至要求回報），未免太肉酸鳥（了）。」
網上亦有人特登製圖恥笑杜汶澤以為自己大晒，唔少留言亦都叫佢唔好老奉覺得台灣要「報恩」，但「LH F Ng」就撐杜汶澤︰「請你（蔡英文）不要忘記是班香港『抗爭者』為妳喚醒班台灣『國民』民主自由之可貴，請好好對待他們，讓佢哋有一個名正言順嘅身份活在台灣。」
有啲網民直情情緒高漲到希望蔡英文謝票時唱「港獨」歌《願榮光歸香港》咁話，但就俾其他網民一句KO︰「自我中心到一個點，好似全世界要圍着你香港來轉咁。」
我哋又睇下其他意見。「港獨」藝人、「612人道支援基金」信託人何韻詩就話︰「好啦好啦，看來要開始啟動國語/台語專輯了。」好心班落難「手足」就學吓人啦，主動發財，唔好靠被動施捨嘛。■香港文匯報記者 甘瑜