■陳啟泰工作時亦不忘戴口罩。香港文匯報訊（記者 梁靜儀）陳啟泰前晚到九龍灣為《「1000萬求一路」尋回昔日香港總決賽》進行錄影，因新冠肺炎爆發，活動亦要將入場人數由過百人縮減至數十名，以免人群聚集，作為主持人的陳啟泰工作時亦有戴上口罩，並希望疫症盡快遠離。
因疫情影響，陳啟泰坦言工作也受到影響，今個月只得這個活動，原本他與黃又南十年前的旅遊節目加碼，三月將會到台灣進行拍攝，現時因台灣封關而要延至四至五月拍攝，另有一些內地工作都要延期。至於損失多少，他說錢不是最重要問題：「我喺屋企可以做很多工作，又可做運動，自己盡量留喺屋企，暫時亦唔使撲口罩，唔想同要返工嘅人或缺口罩嘅人爭貨。」
他又稱大家可能經歷過沙士，對今次疫情亦較謹慎：「Touch Wood，香港暫時只有十多個確診（截至現時已確診38宗），只有一個不幸離世，當然唔希望再有人死，我覺得係要小心一啲，但唔使過分緊張，我哋每年都有得打流感針，但每年因流感而死嘅人有幾百人，一定嚴重過𠵱家個情況，當然唔想再多個人死，而美國因H1N1死萬幾人都好少人講，我覺得呢個係幾蹺蹊。」他指對流感有較大感觸，因有兩個朋友因患此病離世：「如果將流感放喺正常位置，放喺適當輕重位，心理上會舒服啲。」