喺修例風波期間，次次有女「手足」被捕都有人貼相上網，聲稱要關注佢哋安危，點知原來係真，因為啲泛暴派自己友隨時想「食」佢哋。一位自認曾被捕嘅前線女「手足」日前喺連登聲稱被有家室、兒女雙全嘅記協執行委員、《立場新聞》首席記者林彥邦「𡁻完鬆」，仲圖文並茂咁大爆兩人嘅婚外情故事，話林記者喺妘Q捕出返嚟後以採訪為名追佢，最終兩人發生咗「唔正常關係」，仲爆林彥邦唔係第一次偷食，但「毫無悔意不知悔改」 ，仲想選埋立法會議員，女「手足」質疑呢啲道貌岸然嘅人嘅人品，希望畀全香港人知道佢嘅所作所為 ，以警示大家咁話。真係信不信由你。
唔知係唔係「人紅」自然是非多，泛暴派中嘅名人好易爆出一些花邊新聞畀啲讀者食花生。壹傳媒首席營銷官徐緣啱啱俾老婆踢爆兩度出軌，又不知悔改，令好多人公開鬧爆佢賤格、人渣。今次嘅泛暴派醜事都似曾相識。
借口「同情」被捕黐埋身
喺情人節當晚，自稱借朋友賬號出帖文嘅「要多兩盒thx」 話預料到大家會以小三嘅名義唾罵自己，但講出嚟係想畀大家同自己一個警示。佢話之前「抗爭時期」會見到有啲女「手足」喺呢個時候俾所謂「前線巴」乘虛而入，「抗爭為名溝女為實」，而林彥邦自己有老婆有家室有個兩歲半嘅仔同一歲嘅女，都仲利用「同情」嘅理由埋佢身，「想有不軌企圖 。」
佢話喺自己被捕出返嚟之後，林彥邦每日都發訊息嚟關心，「次數已經係多到好唔正常」，佢多次唔理林彥邦之後，林仲發封e-mail「澄清」。
呢個女「手足」貼出一封署名「YP LAM」發送嘅郵件截圖，文中字字「懇切」，講到職業嘅束縛令佢喺（暴力）現場只可以做一個「旁觀者」，又講到自己「欠你們（前線）太多、一直以來都覺得內疚......」
郵件中，佢話希望看到所謂前線能過正常、幸福嘅生活，又話自己本只是想親口對呢個女「手足」說「對不起，那時我甚（什）麼也做不了，就是這樣而矣（已）。」不過，個女「手足」就指「但之後自己（林彥邦）做過啲咩，相信林生自己知啦」。
該女「手足」稱「拒絕唔到果（嗰）個人繼續對我好」，於是同林彥邦開始咗兩個幾月嘅唔正常關係，喺吨W載嘅一張對象署名「林彥邦 」，並配有林彥邦嘅相做頭像嘅WhatsApp對話截圖上，「林彥邦」就講出「鬼叫我鍾意你我錫你」嘅肉麻說話。
佢仲爆料話林彥邦唔係第一次偷食，而「好明顯呢位『立場哥哥』毫無悔意不知悔改，目的達到後想草草了結段關係 。」
批人品有問題仲想選立會
呢位女「手足」更爆料話林彥邦嚟緊想選立法會議員，「我就好懷疑以佢本人嘅人品，係咪值得佢嘅所謂助選團為佢付出咁多？歸根究底佢哋只係睇到佢辦事能力睇唔到佢本身個底有幾差」，又覺得「暗地裡做咁多陰質嘢去建立一段唔見得光嘅關係嘅人，就起碼一定好極有限。 」
有啲人質疑女「手足」說話嘅真偽、要求佢上載被捕證明等。佢就上載被捕證明，「po x 你哋都可以唔信架（㗎）啦，我幾賤都好都唔會搵自己被捕同做人第三者嚟搞笑囉。」
啲泛暴派為咗唔割席，都喺留言度鬧個女仔多過鬧林彥邦，「毒矮廢J」就話「我都忽然覺得你好藍」。「憲法保衛軍」仲話呢個係「人格謀殺 。」「好難玩喎」就話「出軌冇問題架（㗎）而（𠵱）家 」咁話喎。
《熱時》忽禁記者溝前線
佢哋就可以覺得呢單嘢冇嘢或係假，但同樣係黃媒嘅《熱血時報》老闆黃洋達噚日就喺facebook同《熱血時報》所有記者話：「任何熱血記者，皆不許以採訪為名，媾（溝）女為實，以記者身分（份）對男/女示威者乘虛而入，始亂終棄！」但佢又特登話「當然，真愛另計」，唔知是否為將來嘅其他爆炸新聞埋伏筆。
咁大單嘢，林彥邦有冇回應？佢fb無囉，唔通真係堅料？ █香港文匯報記者 文根茂