■張若希拍攝了第一首MV。香港文匯報訊 兒歌天后唐韋琪（Vikki）的16歲得意門生張若希（Cheyenne）第一首個人單曲《這世界沒有盡頭》在疫情前拍攝的MV，順利完成後期工作，將陸續派上電台及社交平台播放。
第一次拍MV的張若希特別緊張，拍攝前一晚特登一早上床睡覺唞足精神，她十分感謝公司及製作團隊，花了不少心機：「我哋拍足兩日，去咗三個大自然郊外取景，還有航拍，Vikki老師仲親自幫我化妝及做形象指導，四圍搵咗好多衫畀我，又安排流動更衣室。」
若希最感動Vikki不顧自己卻不停為她拍蚊：「第一日喺元朗大棠及南生圍取景，黃昏到南生圍追陽光，希望天黑前拍晒，但有好多蚊，Vikki老師踎喺我腳下不停拍蚊，上身拍攝我好享受欣賞大自然風景，但腳下就不停拍蚊，場面好搞笑，不過老師為咗幫我拍蚊，佢就畀蚊咬，辛苦晒老師。」
她亦很感謝所有幕後工作人員，第二日到城門水塘取景，大家要攞着好重的拍攝器材、服裝、結他等步行個幾小時，抵達後見到藍天無雲又陽光普照大家都覺得好值得。