■李施嬅（中）被讚唱歌有水準。香港文匯報訊 李施嬅及海俊傑日前作客TVB娛樂新聞台節目，接受主播許文軒（Edmond）專訪，二人大談合作拍攝《法證先鋒IV》及推出合唱歌《二次緣》感受。海俊傑大讚施嬅唱歌好聽，他說：「佢對今次錄音好着緊，仲一早已經約好上去我屋企練歌，佢成份歌詞好似份劇本咁，做晒功課，寫到花晒！」施嬅說：「我好緊張，錄音前去咗搵幾個老師學唱歌，又問啲歌手拎意見，我設計咗咩位輕啲，邊度重啲，但我哋監製伍樂城叫我全部揼晒佢，佢幫我搵到另外一把聲音出嚟。」
海俊傑談到近二十年未曾於TVB拍劇，他說：「唱歌我就叫施嬅唔好咁緊張，但係拍《法證先鋒IV》佢就叫返我唔好咁緊張，可能之前我喺內地拍劇多，有時無啦啦講對白講咗國語。」施嬅說：「 可能佢少拍談情戲，我叫佢放鬆啲，唔好咁緊張，導演都叫佢愛我多啲，連佢老婆都叫佢愛我多啲，上年情人節仲叫我哋出去拍拖，之後越拍越有默契，最後嗰場咀嘴戲大家都有感覺。」