■佢IG嘅截圖入邊，包括一張圖上畫病毒圖像，寫上「最緊要人有事」，仲喺警察的圖像，左右分別寫上「三萬」、「中」，暗咒警察中新冠肺炎，而張圖下方仲有個「鼓掌」圖案。網上圖片公務員煽動違法該當何罪？日前網上傳出一位疑為懲教署二級懲教助理嘅facebook截圖，睇後叫人瞠目結舌：呢個人唔單止公然支持「三罷」，更用惡毒言論詛咒警察。有網民對佢嘅行為非常憤怒，鬧佢出政府糧反政府，要求政府嚴肅處理。
網上近日盛傳一組關於網名為「woka513」嘅IG動態，有傳呢個人係懲教署二級懲教助理鄭×和，𠵱家個賬號就搵唔到，但根據網上嘅截圖睇，個人都幾仇警。
喺网G嘅截圖入邊，包括一張圖上畫病毒圖像，寫上「最緊要人有事」，仲喺警察的圖像左右分別寫上「三萬」、「中」，暗咒警察中新冠肺炎，而張圖下方仲有個「鼓掌」圖案。喺另一則有關確診警長肺衰竭入ICU的動態中，佢就寫明「最緊要人有事」嘅冷血言論。
佢亦喺截圖中打咗一大輪字，抒發佢想參與早前泛暴派發起企圖攬炒香港嘅「三罷」同仇警嘅心情。佢話：「作為需要輪班嘅厭惡性工作執勤人員罷唔到工個心唔好受，出面咁亂幫唔到手倍感難過。」
佢又話惟有安慰自己，監管住嘅呢班人仍然有部分會改過，「總好比（過）我納稅畀錢，供養住呢個垃圾政府，同班『泯滅人性』嘅『死黑警』好過得多。」仲Tag「黑警可恥」、「黑警死全家」等惡毒言論𠻹！
自己冇參加到罷工，但佢就幫手鼓吹、煽動，佢喺IG聲稱「三罷」係「最和平的勇武」云云，更Tag「港獨」口號「光復香港，時代革命」、所謂「五大訴求 缺一不可」等。
公僕須確保言行合規
根據《公務員守則》規定，公務員須確保其言行與在任政府嘅政策及決定一致，並且與其公職相稱。唔少網民都對呢啲言行好憤怒。網民「Fung Fung」鬧佢「食政府糧但反政府。」話「已經向懲教署投訴，不過不獲處理。」「Jozitíta Albíta Caballo」就建議：「一人一信連所有cap圖send去特首，保安局、警署、懲教署等等部門，請佢地（哋）跟進處理。」「Sherry Lau」就質疑政府內都有唔少內奸，佢話：「難怪政府不能平亂黃絲『港獨』暴亂。」■香港文匯報記者 黃書蘭