■洪卓立在歌曲中會以旁觀者角度為失戀人作出開導。香港文匯報訊（記者 李思穎）洪卓立（Ken）昨日推出新歌《無他》，他在歌曲中會以旁觀者角度為失戀人作出開導，其實也是一種對自己的安慰及勸勉，輕輕說一聲「無他」，原來一切都不是那麼可怕。
Ken找來合作多次的徐浩以R&B曲風，由張楚翹操刀填詞，創作靈感沿自其舊作《說散就散》，因他發現有很多沉溺於悲觀氣氛的粉絲留言，所以想藉此次機會帶來不一樣的灑脫鼓勵；Ken坦言這次合作，事前並沒有作特別溝通，「今次同填詞人張楚翹第一次合作，之前冇乜點guide同溝通，第一下佢就填咗呢份詞畀我，試唱咗一次後就好鍾意，之後都希望可以多些合作。」
MV以「失眠」作為故事藍本，講述Ken睡不着時候的無所事事，好似會落街走動，但發覺所有人都在睡覺令自己更添孤單感，遂回家抹窗、洗衫等，Ken說：「MV入面有好多呢啲畫面，最後終於捱過咗好難捱嘅夜晚，重新出發，着好衫，等太陽伯伯出嚟就開工，離開呢個area。入面有少少其實係自我療傷，一啲勉勵自己嘅說話，呢啲說話其實大家都係啱用。」
現實中，Ken會為開演唱會或者拍戲上工作問題失眠，又或者失戀，往往遇到不快事情令到自己情緒難以平伏便難以入睡。不過，Ken自爆解決失眠的妙法，他謂：「離不開會煮個麵，可能叫個外賣，用一個『澱粉質大法』去令自己眼瞓，跟住瞓覺，萬試萬寧！但要好多澱粉質，所以我身體入面都好多澱粉質轉化成嘅其他嘢黐咗喺個肚度，哈哈，但係呢個方法係幾好。」