■白雲攜同兩愛犬受訪。香港文匯報訊 藝人白雲攜同兩隻愛犬Dola和Cash，接受香港開電視主播馬梓軒訪問。身為愛狗之人的白雲，特別關注近期有寵物感染新冠病毒的消息，她表示：「不時睇到相關新聞令我好擔心，但令我最心痛嘅係，疫情下多咗人遺棄寵物！其實呢種情況，等同大咗肚後唔要個小朋友一樣！寵物都係屋企人，只要防疫措施做得好就唔怕！」
受疫情影響，白雲的幕前工作被迫延期，收入大減，她坦言：「由1月到現時為止，損失咗6位數字收入！我原本喺北京同台灣都安排咗工作，有劇集、綜藝真人騷等，但現時都停晒！不過我份人一冇嘢做就唔安樂，所以都不停搵嘢做，例如近日有拍片剪片，喺社交平台同大家分享！」
此外，白雲亦不時在網上分享性感照片，對於不時被網民留言批評，白雲指：「無論你係咩身份，總會有人話你好多嘢，批評你嘅外表、諗法等等！一開始我會嬲同埋唔開心，但慢慢就學識，其實最緊要係自己點諗！如果你覺得屁股大係好靚，又或者覺得着男裝係好靚，咁你就係最靚！」