香港文匯報訊 香港新冠肺炎疫情已有緩和的趨勢，受疫情影響的娛樂活動亦有望逐步恢復。梁漢文昨日就發放消息指，十月底有望在紅館開第五次個人演唱會。
梁漢文回應記者查問時表示：「好開心收到公司通知 ，已經係紅館拿到期，確實通知我喺十月底會做我第五次個人演唱會。我覺得我哋應該係抱住正能量咁去繼續生活，唔可以因為疫情就像世界停頓左一樣。所以當初公司同我商量話入紙，我都好贊成，行咗先，做咗先，咁紅館又批咗，就當一切正常努力籌備一個精彩騷給大家，等疫情過去。𠵱家咩都未定㗎，定咗個期，呢排咪開始約開會籌備，仲有錄緊新歌。」對疫情消退係咪有信心？他說：「 我估唔係我一個人對戰勝疫情要有信心，全世界都要對戰勝疫情抱有信心，每一個人都希望可以返番去正常生活㗎。所以我咪叫大家一齊集氣啦，希望好快香港日日零感染，我哋都可以正常生活啦。」他又補充指：「咁當然公司都做好兩手準備，如果到時疫情真係大爆發，就會另有安排。」
為了慶祝成功申辦開騷，他決定要在開騷前「食爆佢」大事慶祝一番。從片中見他去到超市掃薯片，再到小食店買炸雞髀食，心情相當興奮！